Marzaluk skazaŭ, što «Žyvie Biełaruś» — heta kalka «Zih chajl». I zihanuŭ u efiry FOTA
Deputat Pałaty pradstaŭnikoŭ Ihar Marzaluk parazvažaŭ u efiry Staličnaha telebačańnia nakont značeńnia łozunha «Žyvie Biełaruś!»
«Situacyja takaja. Možna, kaniečnie, spasyłacca i na vieršy Kupały, i na vieršy Pimiena Pančanki, dzie jość heta słovazłučeńnie. Ale kali my kažam nie pra słovazłučeńnie, a pra pryvitańnie, to my adkryvajem statut Sajuza biełaruskaj moładzi i bačym, što kali vy nižejšy pa statusu, vy padychodzicie da starejšaha i vitajeciesia: «Žyvie Biełaruś», pryčym vykidvajecie ruku — zihujecie. A vam u adkaz vaš načalnik łakanična adkazvaje: «Žyvie».
Takoje pryvitańnie, jak kalka «Zih chajl!», stała kananičnym u časy niamiecka-fašysckaj akupacyi BSSR, a potym stała ŭstojlivym, narmalnym słovazłučeńniem dla biełaruskaj emihracyi, jakaja ŭ Kanadzie, u Štatach jaho vykarystoŭvała. A da hetaha — u 1920-1930-ch hadach, 1917 hodzie — vykarystoŭvali druhoje słovazłučeńnie: «Niachaj žyvie volnaja Biełaruś», u savietyzavanym varyjancie: «Niachaj žyvie Savieckaja Biełaruś».
Marzaluk prademanstravaŭ u efiry, jak pravilna treba było zihavać. My nie možam pakazać hetu ekstremisckuju karcinku.
