Školnika z Žabinki pakarali za kinuty ŭ milicejskuju mašynu kaktejl Mołatava
Dva z pałovaj hady abmiežavańnia voli biez nakiravańnia ŭ vypraŭlenčuju ŭstanovu atrymaŭ školnik z Žabinki. Pra heta paviedamiła ŭ paniadziełak prakuratura Bresckaj vobłaści.
Pavodle śledstva, 11 žniŭnia 17-hadovy školnik u haradskim parku nabyŭ plašku z zapalnaj sumieśsiu i paśla kinuŭ jaje ŭ supracoŭnika Žabinkaŭskaha RAUS. Pradmiet upaŭ kala słužbovaha aŭtamabila i zahareŭsia.
Padletak paźniej rastłumačyŭ, što ŭ toj dzień hulaŭ kala płoščy, dzie prachodziła masavaje mierapryjemstva. Žadajučy pieraškodzić pracy supracoŭnikaŭ milicyi, jon kinuŭ butelku z zapalnaj sumieśsiu ŭ bok słužbovaha aŭtamabila, paśla čaho ŭciok. Zatym padletak napisaŭ jaŭku z pavinnaj.
«Prysud nie ŭstupiŭ u zakonnuju siłu, moža być abskardžany i apratestavany ŭ apielacyjnym paradku», — adznačyli ŭ prakuratury.