U Hrodnie 16-hadovaha studenta aštrafavali za ŭdzieł u akcyi pratestu i pastavili na ŭlik u milicyju
Ilustracyjnaje fota z 6 vieraśnia, hrodna.life
Na kamisii pa spravach niepaŭnaletnich 5 listapada 16-hadovaha studenta Hrodzienskaha dziaržaŭnaha politechničnaha kaledža Kiryła Kieturku aštrafavali na 10 bazavych vieličyń (270 rubloŭ), piša hrodna.life.
Kiryła zatrymali padčas mirnaha maršu 6 vieraśnia na praśpiekcie Janki Kupały. Pa zakonie, jaho pavinny byli nieadkładna pieradać baćkam, kažuć pravaabaroncy. Ale siłaviki adviali jaho ŭ aŭtazak, dastavili ŭ Kastryčnicki RAUS, pravieryli telehram u telefonie i skłali pratakoł za parušeńnie paradku praviadzieńnia masavych akcyj.
Pa rašeńni kamisii 5 listapada Kiryła pastavili na ŭlik u milicyju na hod. Pa jaho słovach, heta nie mocna ŭpłyvaje na jaho žyćcio. «Prosta adzin hod ustanovy adukacyi pavinny prapanoŭvać zaniataść na leta, dadatkovyja zaniatki», — raspavioŭ jon Hrodna.life.
Sa słoŭ Kiryła, kab dakazać pravaparušeńnie, na kamisii cytavali tekst Hrodna.life.
