Bujnyja telekanały ZŠA pierapynili vystup Trampa, kali jon zajaviŭ pra machinacyi na vybarach
Niekalki bujnych telekanałaŭ ZŠA pierapynili tranślacyju vystupu prezidenta ZŠA Donalda Trampa ź Biełaha doma, kali toj pačaŭ rabić biazdokaznyja zajavy ab minułych prezidenckich vybarach, paviedamlaje The Verge. Vystup Trampa pierapynili telekanały MSNBC, ABC, CBS, CNBC, NBC, a taksama vydańnie USA Today, piša Meduza.io.
U svajoj pramovie Donald Tramp, jaki bałatavaŭsia na novy termin ad Respublikanskaj partyi, abvinavaciŭ pradstaŭnikoŭ Demakratyčnaj partyi ŭ machlarstvie i sprobie skraści vybary.
Taksama jon zajaviŭ, što pieramahaje na vybarach, kali ličyć tolki «zakonnyja hałasy», choć na samaj spravie padlik hałasoŭ praciahvajecca ŭ niekalkich klučavych štatach.
Chutčej za ŭsich dziejničaŭ viadučy MSNBC Brajan Uiljams, jaki pierapyniŭ Trampa ŭ siaredzinie vystupu. Jon skazaŭ u efiry: «My znoŭ znachodzimsia ŭ niezvyčajnym stanoviščy: my nie tolki pieraryvajem prezidenta ZŠA, ale i papraŭlajem jaho».
MSNBC immediately cuts off Trump when he moves to undermine the integrity of US election system.
"Here we are again in the unusual position of not only interrupting the President of the United States but correcting the President of the United States..." pic.twitter.com/IwVshBmosK
Na CNBC viadučy Šepard Śmit, pieraryvajučy Trampa, zajaviŭ, što «toje, što kaža prezident Złučanych Štataŭ, u značnaj stupieni, absalutna niapravilna».
President Trump just spoke at the White House, as key states continue to count votes.
Shep has the facts: “What the President of the United States is saying, in large part, is absolutely untrue.” #Election2020https://t.co/E6DBt6OodDpic.twitter.com/HVa87qUCzB
Telekanały CNN i Fox News pakazali vystup Trampa całkam, pry hetym žurnalist CNN Denieł Dejł nazvaŭ hetuju pramovu «samaj niesumlennaj» z 2016 hoda.