Pampiea: ZŠA zaklikajuć ułady Biełarusi spynić represii i prysłuchacca da patrabavańniaŭ naroda ab vybarach
Dziaržsakratar Majkł Pampiea zaklikaŭ ułady Biełarusi prysłuchacca da patrabavańniaŭ biełaruskaha naroda ab praviadzieńni svabodnych i spraviadlivych vybaraŭ. Zajava Pampiea źjaviłasia paśla publikacyi dakładu pryznačanaha ŭ ramkach Maskoŭskaha miechanizmu dakładčyka ABSIE Volfhanha Bieniedeka ab mierkavanych parušeńniach pravoŭ čałavieka ŭ Biełarusi pa vynikach prezidenckich vybaraŭ, piša TUT.BY.
U Dziarždepie zajavili, što ŭ dakładzie apisvajucca parušeńni pravoŭ čałavieka i złoŭžyvańni, učynienyja ŭ bujnym maštabie i biespakarana biełaruskimi ŭładami padčas vybaraŭ 9 žniŭnia i paśla ich. Vyjaŭlenyja dakładčykam parušeńni pravoŭ «mirnych demanstrantaŭ, aktyvistaŭ apazicyi i žurnalistaŭ uklučajuć katavańni, advolnyja zatrymańni i abmiežavańnie svabody vykazvańnia mierkavańniaŭ, asacyjacyj i mirnych schodaŭ», miarkuje Pampiea.
«Złučanyja Štaty praciahvajuć zaklikać biełaruskija ŭłady spynić represii i prysłuchacca da patrabavańniaŭ biełaruskaha naroda ab praviadzieńni svabodnych i spraviadlivych vybaraŭ pad niezaležnym nazirańniem», — skazana ŭ paviedamleńni.
Pampiea ličyć, što rekamiendacyi, jakija źmiaščajucca ŭ dakładzie, dajuć biełaruskim uładam darožnuju kartu vychadu z kryzisu. Pavodle jaho słoŭ, havorka idzie ab zasnavańni «naziralnaj misii» Biuro pa demakratyčnych instytutach i pravach čałavieka ABSIE, spynieńni hvałtu ŭ dačynieńni da ŭłasnaha naroda, pryciahnieńni da adkaznaści vinavatych u parušeńniach, vyzvaleńni niespraviadliva zatrymanych, «značnym ahulnanacyjanalnym dyjałohu z sapraŭdnymi pradstaŭnikami palityčnaj apazicyi i hramadzianskaj supolnaści».
