Ukraina admoviłasia ad pastavak elektraenierhii ź Biełarusi ŭ 2021 hodzie
Ministerstva enierhietyki Ukrainy padrychtavała prajekt prahnoznaha bałansu elektryčnaj enierhii na 2021 hod, u jakim nie praduhledžana pastavak elektraenierhii ź Biełarusi i Rasii, piša «Radyjo Svaboda».
Abjadnanaja enierhietyčnaja sistema Ukrainy budzie hienieravać elektryčnaść na svaich atamnych, hidra- i ciepłaelektrastancyjach, a taksama soniečnuju i vietravuju na alternatyŭnych mahutnaściach. Pavodle papiarednich płanaŭ, Ukraina maje namier zachavać impart elektraenierhii ź inšych jeŭrapiejskich krain, u tym liku sa Słavakii i Vienhryi.
Raniej Biełaruś była siarod najbujniejšych pastaŭščykoŭ elektraenierhii va Ukrainu.
Letaś Ukraina płanavała zakupić u 2020 hodzie ŭ Biełarusi 2,1 miljarda kiłavat-hadzin elektraenierhii i źviazvała hetyja płany z zapuskam Biełaruskaj AES. Pry hetym u Kijevie padkreślivali, što takija pastaŭki buduć ažyćciaŭlacca vyklučna na ŭnutrany rynak, a nie dla dalejšaha reekspartu.
