U Hrodnie ad karanavirusa pamierła hramadskaja dziajačka Taćciana Malinoŭskaja
Jana pamierła ŭ špitali ŭ vyniku karanavirusa i ŭskładnieńnia chraničnych chvarobaŭ, paviedamlaje «Radyjo Racyja».
Taćciana Malinoŭskaja (dziavočaje proźvišča Pietuchova) naradziłasia ŭ 1953 hodzie. Pracavała nastaŭnicaj historyi, hramadaznaŭstva i biełaruskaj litaratury ŭ SŠ №1, navukovym supracoŭnikam abłasnoha histaryčna-archieałahičnaha muzieja, była zahadčycaj adździeła instytuta «Hrodnaprajektrestaŭracyja».
Z 1990 hoda Taćciana Malinoŭskaja pracavała vykładčycaj kafiedry biełaruskaj kultury Hrodzienskaha ŭniviersiteta. Vyvučała architekturu Haradzienščyny, biełaruskaje narodnaje mastactva, vyjaŭlenčaje mastactva.
Była adnoj sa stvaralnic i pieršaj staršynioj (da 1999 hoda) Fondu Lva Sapiehi. Była siabram BNF i deputatam haradskoha savieta, naležała biełaruskamoŭnaj katalickaj intelihiencyi. Ceły čas cikaviłasia hramadskim i kulturnym žyćciom Hrodna.
Apošnija miesiacy jak zvyčajna vyjaŭlała salidarnaść i nieadnarazova sa svajoj ścipłaj piensii achviaravała srodki dla paciarpiełych ad represij.
