Łukašenka patłumačyŭ zakryćcio miežaŭ: Pik karanavirusa ŭ nas jašče nie pieraadoleny
BiełTA
Pra heta Alaksandr Łukašenka zajaviŭ siońnia na naradzie ab mierach procidziejańnia raspaŭsiudžvańniu virusnych infiekcyj, piša BiełTA.
Jon padkreśliŭ, što pryniataje niadaŭna na fonie epidemijałahičnaj situacyi ŭ Biełarusi i vakoł jaje rašeńnie ab zakryćci dla ŭjezdu miežaŭ krainy źjaŭlajecca časovym i nie ŭtrymlivaje palityčnych pryčyn.
Łukašenka adznačyŭ, što epidemičnaja situacyja ŭ śviecie na siońnia raźvivajecca pa adnym z samych niehatyŭnych scenaryjaŭ. «Ja maju na ŭvazie nie rekordnyja ličby zachvorvańnia ŭ bolšaści jeŭrapiejskich dziaržaŭ. I navat nie poŭny łakdaŭn u niekatorych krainach. Vidavočna, što škoda ekanomikam budzie naniesiena niepapraŭnaja i, mahčyma, jak užo mnohija śpiecyjalisty kažuć, niezamiennaja. Ale ciapier varta dumać nie pra jaje», — skazaŭ Alaksandr Łukašenka.
«Jašče nie paśpieli źjavicca efiektyŭnyja i nadziejnyja leki ad karanavirusa, a jon užo mutavaŭ i staŭ prystasoŭvacca da užyvalnym mietadam baraćby ź im. Tak zvanaja novaja ispanka zachoplivaje Zachodniuju Jeŭropu. Tamu my nie mahli pakidać našy miežy dla ŭjezdu ŭ krainu adkrytymi. Tym bolš što pik u nas u Biełarusi nie pieraadoleny. Nijakaj palityki tut niama. Rašeńnie surjoznaje, nosić abmiežavalny charaktar. I heta časovaje rašeńnie», — padkreśliŭ Łukašenka.
