Nacbank u 2021 hodzie vypuścić 16 maniet
Jak adznačaje pres-słužba Nacbanka, stała ŭžo tradycyjaj vypuskać pamiatnyja maniety, pryśviečanyja ptušcy hoda, jakuju vyznačaje hramadskaje abjadnańnie «Achova ptušak Baćkaŭščyny».
U 2021 hodzie takoj ptuškaj abrany lalak zvyčajny. Manieta «Lalak zvyčajny» stanie 15-j u ramkach sieryi pamiatnych maniet «Ptuška hoda».
Vypusk pamiatnych maniet na pryrodaachoŭnuju tematyku budzie taksama praciahnuty vypuskam pamiatnych maniet «Zakaźnik «Jelnia» ŭ ramkach sieryi «Zakaźniki Biełarusi».
Maniety spartyŭnaj tematyki tradycyjna papularnyja ŭ Biełarusi i za miažoj. Uličvajučy zasłuhi biełaruskich spartsmienaŭ, buduć vypuščany ŭ abaračeńnie pamiatnyja maniety «Letnija vidy sportu. Baskietboł».
Taksama vypusk pamiatnych maniet budzie pryśviečany jubilejnym datam:
— 100-j hadavinie zasnavańnia BDU;
— 125-hodździu z dnia naradžeńnia Kandrata Krapivy;
— 100-hodździu Ivana Mieleža;
— 100-hodździu Ivana Šamiakina.
U 2021 hodzie spaŭniajecca 25 hadoŭ z dnia trahičnaj daty — hibieli vajennaha lotčyka Uładzimira Karvata, jaki 23 maja 1996 hoda pry vykanańni vučebna-trenirovačnaha palotu advioŭ samalot ad nasielenaha punkta. U pamiać pra hety podźvih budzie manieta «Uładzimir Karvat. Hieroj Biełarusi».
Taksama vyjduć pamiatnyja maniety «Raźba pa drevie» sieryi «Narodnyja promysły i ramiostvy biełarusaŭ», «Biełaruski kaścium», «Kulturnyja kaštoŭnaści. Biełaruś — Litva», a taksama pamiatnyja maniety sieryi «Architekturnaja spadčyna Biełarusi», «Žyviolny śviet na hierbach haradoŭ Biełarusi» i «Relihijnyja kanfiesii Biełarusi»: «Katalicyzm».
Pavodle kitajskaha kalendara, 2022 hod — hod Tyhra. Tradycyjna ŭ praciah sieryi «Kitajski kalandar» u 2021 hodzie budzie vypuščana pamiatnaja manieta «Hod Tyhra».
