U Rasii prakamientavali žadańnie Łukašenki «kupić radovišča nafty»: Usio dobraje daŭno raźmierkavana
Hiendyrektar fondu enierhietyčnaj biaśpieki RF Kanstancin Simanaŭ vykazaŭsia nakont žadańnia Łukašenki «kupić u Rasii radovišča nafty», jakoje prahučała va ŭčorašniaj razmovie z Uładzimiram Pucinym.
«Heta padajecca Łukašenkam jak niejki praryŭ, ale nijakaha praryvu tut niama, — cytuje Simanava blizki da prezidenta RF telehram-kanał «Puł treciaha». — Ad 2013 hoda pracu pa zdabyčy nafty na terytoryi Rasii viadzie «Janhpur», daččynaja kampanija «Biełarusnafty». Jana vałodaje pravam karystańnia na Vapnski ŭčastak, na jakim zdabyča nafty ŭ 2018 hodzie skłała 193 tysiačy ton. U 2019 hodzie «Janhpur» vyjhrała prava na Paŭdniova-Tydeacinski licenzijny ŭčastak.
Viadoma, havorka idzie jakraz pra toje, što nie dziaržava Biełaruś budzie vałodać niejkim novym aktyvam, a, chutčej za ŭsio, taja ž samaja «Biełarusnafta».
Dla Rasii takoje partniorstva nie duža cikavaje. Zvyčajna zamiežnyja inviestary pryciahvajucca dla novych inviestycyj abo dostupu da technałohij dla składanych prajektaŭ, naprykład, u Arktycy, na šelfie, dla ciažkazdabyvalnaj nafty. «Biełarusnafta» nie vałodaje niejkimi dzivosnymi kampietencyjami abo salidnymi hrašyma dla taho, kab stać značnym hulcom na rynku Rasii.
Sama Biełaruś vialikaj vyhady ad patencyjna novaha radovišča nie atrymaje. Minsk ciapier kuplaje ŭ Rasii naftu biez vypłaty ekspartnaha myta, majučy bolš nizkuju adnosna toj ža Jeŭropy canu. Ale z-za padatkovaha manieŭru ŭ RF myta da 2024 hodzie abnulicca na karyść pavyšeńnia PZKV (Padatak na zdabyćcio karysnych vykapniaŭ).
Heta aznačaje, što kali biełaruskaja kampanija prychodzić u Rasiju na novy prajekt, na greenfield, to, adpaviedna, jana pačnie zdabyču voś da hetaha 2024 hodzie. Tak, jana budzie sama zdabyvać naftu — heta tańniej, ale jana budzie płacić PZKV.
I znoŭ ža, dobrych radoviščaŭ, dzie pryjšoŭ, tycnuŭ rydloŭkaj, i pajšła fantanam nafta, u Rasii siońnia ŭžo niama. Usio dobraje daŭno raźmierkavana.
Pryjści možna ŭžo albo na greenfield, kudy treba ŭkładvać surjoznyja hrošy, albo ŭ niejkija składanyja historyi. Nafty ŭ nas šmat, ale prastoju niama».
