«Pastarajusia dapamahać i nikomu nie pieraškadžać». Karajeva pradstavili kiraŭnictvu Hrodna i vobłaści
minsknews.by
4 listapada ŭ Hrodzienskim abłvykankamie kiraŭnictvu horada i vobłaści pradstavili novaha pamočnika prezidenta pa Hrodzienskaj vobłaści Juryja Karajeva, piša hrodna.life.
Staršynia Hrodzienskaha abłvykankama Uładzimir Karanik skazaŭ na sustrečy, što Juryj Karajeŭ jamu dobra znajomy. Jany byli pryznačanyja ministrami ŭ adzin dzień i paznajomilisia ŭ Pałacy Niezaležnaści 11 červienia 2019.
«Z tych časoŭ nam daviałosia šmat uzajemadziejničać. Razam pieražyvali situacyju z karanavirusnaj infiekcyjaj. Vopyt uzajemadziejańnia, jaki ŭ nas jość, pakazvaje, što my možam efiektyŭna i dobra ŭzajemadziejničać na karyść našaj vobłaści. Vobłaść ad hetaha tolki vyjhraje», — skazaŭ Uładzimir Karanik.
Alaksandr Łukašenka 29 kastryčnika pryznačyŭ byłoha ministra MUS Juryja Karajeva pamočnikam prezidenta ŭ Hrodzienskaj vobłaści.
«Heta novy etap u maim žyćci, u majoj słužbie i karjery. Niekalki, pryznajusia, niečakana, ale vielmi cikava. Vielmi pastarajusia dapamahać i nikomu nie pieraškadžać. Rabić usio, kab sa mnoj było lepš i lahčej za ŭsich u siłu maich zdolnaściaŭ. Nu, a dalej pahladzim, zaraz, dumaju, kazać šmat nie treba», — skazaŭ Juryj Karajeŭ na pradstaŭleńni.
