Vykładčyca Linhvistyčnaha ŭniviersiteta Natalla Dulina atrymała 14 sutak aryštu
Natalla Dulina. Fota z telehrama
Sud Leninskaha rajona Minska aryštavaŭ na 14 sutak zvolnienuju dacentku kafiedry italjanskaj movy Minskaha dziaržaŭnaha linhvistyčnaha ŭniviersiteta Natallu Dulinu. Spravu viała sudździa Taćciana Šocik, piša Radyjo Svaboda.
Natalli Dulinaj inkryminavaŭsia artykuł 23.34 — udzieł u pikietavańni 26 kastryčnika kala budynka jurydyčnaha fakulteta.
Natalla ad tłumačeńniaŭ u sudzie admoviłasia. Ad abaroncy taksama admoviłasia.
Natallu Dulinu zatrymali kala MDŁU 30 kastryčnika. U hety dzień kala MDŁU prajšła akcyja salidarnaści z adličanymi studentami i zvolnienymi vykładčykami. U joj uziali ŭdzieł studenty, ich baćki, vykładčyki i vypuskniki.
Jana aktyŭna vystupała suprać vyklučeńnia studentaŭ.
Natalla Dulina adpracavała ŭ MDŁU 29 hadoŭ. Univiersitet u znak salidarnaści z kalehami pakinuła i prafiesar kafiedry ahulnaha movaznaŭstva Alena Łukašaniec.