U Minsku zakryli jašče dziasiatak baraŭ i kaviarniaŭ, jakija nie pracavali 26 kastryčnika
instagram.com/laukaminsk
Paśla vizitu sanstancyi i inšych dziaržaŭnych arhanizacyj spynili pracu šerah ustanoŭ charčavańnia Minska, jakija nie pracavali 26 kastryčnika. Siarod ich papularnyja punkty na Zybickaj i Kastryčnickaj vulicach stalicy, paviedamlaje Tut.by.
Pastanovy dziaržaŭnych orhanaŭ tyčacca adrazu niekalkich ustanoŭ restaratara Uładzisłava Łunieviča. Heta ENZO, «Łaŭka», «Depo», «Let it be», «Underdog» na Kastryčnickaj, a taksama «Simple» na vulicy Śviardłova.
Usie bary i kaviarni zakryli da likvidacyi parušeńniaŭ. Ich restaratar pieraličyŭ u svaim Twitter: niama asobnaj švabry dla chaładzilnaj kamiery, niama asobnaha miernika dla sieptadezu, u aptečcy adsutničali kropli dla vačej. Z usich prajektaŭ biznesoŭca ŭ paniadziełak pracuje tolki «Depo» na Zybickaj.
Taksama na Kastryčnickaj i Bahdanoviča zakryli viehanskija kaviarni «MonkeyFood». Śpis parušeńniaŭ dasłali i ŭ bar «el Pushka». Zaraz kamanda aktyŭna pracuje, kab ich likvidavać, i prapanuje padtrymać prajekt, zamoviŭšy ŭ Instagram firmovy mierč bara abo padarunkavy siertyfikat.
Akramia taho, z 31 kastryčnika nie pracuje kandytarskaja «Moulin» u Brylevičach i restaran «Biarozka» na płoščy Pieramohi.
Raniej pravierki vyjavili niedachopy ŭ pracy «Svobody, 4», «Post Bar», «Pierieśmiešnik», «O'Petit», «Brioche Bistro», «Umami», niekatoryja abjekty «Dominoʼs Pizza» i «Picca Lisicca», dy inšych ustanoŭ, jakija nie pracavali 26 kastryčnika.
