MUS nie paviedamiŭ dakładnaj ličby zatrymanych na Dziady. Raniej takoje zdarałasia 9-11 žniŭnia i ŭ dzień Partyzanskaha maršu
Pravaabaroncy majuć imiony jak minimum 315 zatrymanych u niadzielu i 36 zatrymanych u subotu.
Takim čynam, usiaho pa stanie na viečar 1 listapada ŭ Biełarusi za čas pratestaŭ adbyłosia, jak minimum, 16 595 palityčna matyvavanych zatrymańniaŭ (ličba niapoŭnaja). Heta samyja maštabnyja palityčnyja represii ŭ Jeŭropie za apošnija 40 hadoŭ.
Siarod zatrymanych u niadzielu ŭ Minsku — viadomy skulptar Hienik Łojka, były juryst Administracyi prezidenta Alaksandr Płaskavicki, a taksama iznoŭ hrupa žurnalistaŭ — adnamu ź ich, Dźmitryju Sołtanu, jak raskazaŭ minski školnik, adpuščany z RUUS jak niepaŭnaletni, kamieraj raźbili hałavu.
Adnym z epicentraŭ zatrymańniaŭ učora stała vioska Žodziški Smarhonskaha rajona, tam schapili jak minimum dzieviać čałaviek.
Jak stała viadoma «Biełym chałatam», u Słucku z BČB-ściaham u biełych chałatach vyjšli zahadčyk traŭmatałohii Słuckaj CRB Juryj Akajomaŭ i chirurh Juryj Michajłoŭski. Ich buduć sudzić.
Nahadajem, što ŭ piatnicu anałahična zatrymali hrupu chirurhaŭ Bresckaj abłasnoj dziciačaj balnicy, a ŭ subotu — studenta Viciebskaha mieduniviersiteta Dzianisa Nvokikie, biełarusa ź nihieryjskim karaniami ŭ radavodzie.