Lidaram zbornaj pa plažnym futbole nie praciahnuli kantrakty. U žniŭni jany vystupili za novyja vybary
beachsoccer.by
Pa vynikach pieraatestacyi nacyjanalnaj kamandy Biełarusi, praviedzienaj Minsportu, kantrakty na 2021 hod z šeraham hulcoŭ nie buduć praciahnutyja. Pra heta paviedamlaje Tribuna.
Pryčyna nie lažyć u płoskaści spartyŭnych pakazčykaŭ. Siarod futbalistaŭ, jakija na dadzieny momant nie zmohuć abaraniać kolery nacyjanalnaj zbornaj u 2021 hodzie, fihurujuć takija proźviščy, jak Valeryj Makarevič, Ihar Bryštel, Illa Savič, Ivan Miranovič i inšyja.
Taksama niajasnaj zastajecca situacyja ź ispanskim trenierskim štabam kamandy.
Adznačym, što Makarevič, Savič i Bryštel skłali top-3 u hałasavańni za najlepšaha plažnaha futbalista Biełarusi-2019.
Zbornaja Biełarusi na siońnia zajmaje 15-y radok u suśvietnym i 6-je miesca ŭ jeŭrapiejskim rejtynhu zbornych.
U žniŭni ŭ redakcyju Tribuna.com źviarnulisia futbalisty zbornaj Biełarusi pa plažnym futbole i paprasili pieradać svajo Pasłańnie biełaruskamu narodu. Spartsmieny vystupili suprać hvałtu z boku siłavych orhanaŭ u dačynieńni da pratestujučych. U śpisie futbalistaŭ, jakija padpisali dasłany tekst, jość proźviščy hulcoŭ, ź jakimi Minsportu nie padoŭžyła kantrakt.
