Pad Stoŭbcami para ź pistaletam abrabavała kramu

Zdareńnie adbyłosia ŭviečary 31 kastryčnika ŭ vioscy Jačonka, paviedamlaje pres-słužba MUS. Mužčyna i žančyna zajšli ŭ miascovuju kramu i, pahražajučy pradmietam, padobnym da pistaleta, zabrali ŭ pradavački vyručku (kala 2 tysiač rubloŭ). Pierš čym syści, nalotčyki źviazali žančynu skotčam.

Paciarpiełaj udałosia vyzvalicca i patelefanavać u milicyju. Učastkovy vyznačyŭ miescaznachodžańnie pary, ich zatrymali. Hrošy znajšli ŭ žančyny.

Padazravanymi apynulisia žychary Stoŭbcaŭ. 42-hadovy mužčyna raniej byŭ nieadnarazova sudzimy.

Fihuranty źmieščanyja ŭ IČU. Raspačataja kryminalnaja sprava za rabaŭnictva.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0