KDB: Ekstremisckija dziejańni pratestoŭcaŭ možna kvalifikavać jak akt teraryzmu
Dziejańni pratestujučych možna kvalifikavać jak akt teraryzmu, zajaviŭ siońnia žurnalistam načalnik adździeła śledčaha ŭpraŭleńnia KDB Kanstancin Byčak, pieradaje BiełTA.
«Apošnimi dniami ŭ Biełarusi stali častymi vypadki ekstremisckich prajaŭ z boku pratestna nastrojenych asob. Tak, padčas niesankcyjanavanaj akcyi, jakaja adbyłasia 25 kastryčnika ŭ Minsku, radykalna nastrojenyja hramadzianie raspačali sprobu zachopu budynka Centralnaha RUUS. Paśla spynieńnia supracoŭnikami pravaachoŭnych orhanaŭ supraćpraŭnych dziejańniaŭ ahresiŭna nastrojenyja hramadzianie nakiravalisia ŭ spalnyja rajony horada, dzie praciahnuli hruba parušać hramadski paradak, pastaviŭšy pad pahrozu biaśpieku i spakoj ludziej», — raspavioŭ Kanstancin Byčak.
Nočču 25 kastryčnika ŭ Homieli pad dreŭcam bieł-čyrvona-biełaha ściaha, vyjaŭlenaja mina-pastka, jakaja pavinna była spracavać pry sprobie jaho vymańnia. Akramia taho, było dźvie sproby padpalić handlovyja šapiki z vykarystańniem butelek z zapalnaj sumieśsiu.
Ranicaj 26 kastryčnika na roznych učastkach čyhunki ŭstanoŭlena piać vypadkaŭ naŭmysnaha zamykańnia, što paciahnuła zboi ŭ pracy prahramnaha zabieśpiačeńnia.
«Hetyja dziejańni spłanavanyja i realizavany arhanizavanymi złačynnymi hrupami, jakija majuć metu destabilizacyi hramadska-palityčnaj situacyi ŭ krainie, zastrašvańnia nasielnictva, hvałtoŭnaj źmieny isnujučaha kanstytucyjnaha ładu, — adznačyŭ pradstaŭnik KHB. — Takija dziejańni, spałučanyja z učynieńniem vybuchaŭ, padpałaŭ, inšych dziejańniaŭ, jakija stvarajuć niebiaśpieku hibieli ludziej, naniasieńnia im cialesnych paškodžańniaŭ ci nastupleńnia inšych ciažkich nastupstvaŭ, u metach akazańnia ŭździejańnia na pryniaćcie rašeńniaŭ orhanami ŭłady abo pieraškody palityčnaj ci inšaj hramadskaj dziejnaści, kvalifikujucca jak akt teraryzmu».