Pamior kiraŭnik «Samsunha» Li Hon Chi. Jon pieratvaryŭ kampaniju ŭ suśvietnaha hihanta
Staršynia kancerna Samsung Li Hon Chi pamior va ŭzroście 78 hadoŭ, piša RBK
Yonhap
Li Hon Chi mieŭ prablemy sa zdaroŭjem paśla pieraniesienaha ŭ 2014 hodzie sardečnaha prystupu. Apošnija niekalki hadoŭ jon zastavaŭsia farmalnym kiraŭnikom kampanii, a faktyčna Samsung kiruje jaho syn Li Čže Jenu.
«Staršynia Li byŭ sapraŭdnym prazorcam, jaki pieratvaryŭ Samsung ź miascovaha biznesu ŭ viadučaha suśvietnaha navatara i pramysłovaha hihanta. Jaho zajava 1993 hoda ab «novym kiravańni» stała ruchajučaj siłaj bačańnia kampanii pa pradastaŭleńni najlepšych technałohij dla raźvićcia hłabalnaha hramadstva. <…> Jaho spadčyna budzie viečnaj», — havorycca ŭ zajavie Samsung.
Li Hon Chi naradziŭsia 9 studzienia 1942 hoda. Jaho baćka, Li Bien Čchol, byŭ zasnavalnikam Samsung Group. Paśla jaho śmierci ŭ 1987 hodzie Li Hon Chi ŭznačaliŭ kancern.
