Bresckim žurnalistam dali pa 15 sutak
Śviedka na pracesach žurnalistaŭ, namieśnik načalnika UUS Bresckaha abłvykankama zajaviŭ, što jany zajmalisia «nieŭłaścivymi funkcyjami», piša Briestskaja hazieta.
Spravu Maksima Chlabca razhladaŭ Alaksandr Siemiančuk, a Ramana Čmiala — Andrej Hruško.
Na žurnalistaŭ byli składzienyja pratakoły pa artykule 23.34 KaAP — nibyta 18 kastryčnika jany ŭdzielničali ŭ niesankcyjanavanaj akcyi pratestu i publična pratestavali suprać dziejnaj ułady.
Śviedkam pa spravie na abodvuch pracesach vystupiŭ namieśnik načalnika UUS Bresckaha abłvykankama Alaksandr Kisiel. Sudu jon rastłumačyŭ, što pratestoŭcy na Savieckaj sabralisia, kali tam źjavilisia Čmiel i Chlabiec, a razyšlisia paśla ich zatrymańnia.
Sudździa Alaksandr Siemiančuk pryznaŭ vinu Maksima Chlabca całkam dakazanaj i vynies vierdykt — 15 sutak aryštu. Praz 45 chvilin takoje ž rašeńnie pa spravie Ramana Čmiala vynies i Andrej Hruško.
