Na homielskaha błohiera, jaki źbiŭ dziaŭčynu ŭ žyvym efiry, zaviali ŭ Maskvie kryminalnuju spravu

U dačynieńni da błohiera Andreja Buryma (Mellstroy) zaviedziena kryminalnaja sprava pa fakcie źbićcia dziaŭčyny padčas pramoha efiru na jutub-kanale, paviedamlaje ahienctva «Maskva» sa spasyłkaj na krynicu ŭ pravaachoŭnych orhanach.

Andrej Burym pachodzić z Homiela, ale žyvie ŭ Maskvie.

Sprava rasśledujecca pa artykule 116 KK («Paboi»), jakaja praduhledžvaje prymusovyja raboty abo pazbaŭleńnie voli na termin da dvuch hadoŭ. Padazravany znachodzicca pad padpiskaj ab niavyjeździe.

Padčas strymu ŭ Andreja Buryma zaviazaŭsia kanflikt z błohierkaj i madellu Alenaj Jafremavaj. Dziaŭčyna prapanavała chłopcu raspranucca, jak jon prapanuje heta inšym. Tady Burym schapiŭ dziaŭčynu za šyju i niekalki razoŭ udaryŭ tvaram ab stoł.

Pa słovach Aleny, Mellstroy raźbiŭ joj vusny i złamaŭ brekiety. Jafremava padała na błohiera zajavu ŭ palicyju.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0