Pucin pra padziei ŭ Biełarusi: Mahčyma, była ŭžyta nieapraŭdanaja žorstkaść
Rasija nie ŭmiešvałasia va ŭnutranyja pracesy ŭ Biełarusi i raźličvaje, što i astatnija krainy nie buduć naviazvać Minsku svaje rašeńni. Pra heta ŭ čaćvier zajaviŭ prezident Rasii Uładzimir Pucin, piša TASS.
«Rasija nie ŭmiešvałasia ŭ toje, što tam adbyvałasia. My raźličvajem, što i nichto nie budzie ŭmiešvacca, nichto nie budzie raskručvać u svaich intaresach hety kanflikt i naviazvać niejkija rašeńni biełaruskamu narodu, — skazaŭ Pucin. — Ničoha, pryŭniesienaje zvonku ŭnutr toj ci inšaj struktury, taho ci inšaha naroda, taho ci inšaha etnasu pracavać nie budzie biez uliku śpiecyfiki kultury i historyi naroda».
«Treba dać mahčymaść samim biełarusam spakojna razabracca va ŭsioj situacyi, pryniać adpaviednyja rašeńni, u tym liku, mahčyma, hetyja rašeńni lažać na šlachu ŭniasieńnia papravak u dziejnuju kanstytucyju albo pryniaćcia novaj kanstytucyi», — padkreśliŭ Pucin.
Pry hetym Pucin adznačyŭ, što, mahčyma, u chodzie padziejaŭ u Biełarusi była ŭžyta «nieapraŭdanaja žorstkaść». «Nu tady chaj adkažuć tyja, chto heta dapuściŭ», — skazaŭ jon. Ale ŭ cełym, pavodle jaho słoŭ, «toje, što adbyvałasia ŭ Biełarusi, vyhadna adroźnivajecca ad taho, što adbyvałasia na vulicach niekatorych bujnych haradoŭ raźvitych demakratyj». «Va ŭsiakim vypadku ŭ biazzbrojnaha čałavieka ŭ śpinu nichto nie stralaŭ z bajavoj zbroi», — skazaŭ Pucin.
