Cichanoŭskaja sustrełasia z polskim premjeram
Śviatłana Cichanoŭskaja sustrełasia z premjer-ministram Polščy Matevušam Maravieckim.
Śviatłana Cichanoŭskaja pieradała śpis rekamiendacyj ab tym, jak palepšyć praceduru atrymańnia humanitarnych viz u Polšču, a taksama atrymańnia prava pracavać na terytoryi krainy. Premjer-ministr zajaviŭ, što Polšča hatovaja hałasavać za admovu ad abmiežavańniaŭ prava na pracu z humanitarnymi vizami.
Śviatłana Cichanoŭskaja na sustrečy raspaviała pra svajho pradstaŭnika pa ekanomicy Alesia Alachnoviča i paprasiła arhanizavać ź im sustreču, kab abmierkavać pakiet ekanamičnych reformaŭ dla demakratyčnaj Biełarusi.
Na sustrečy abmiarkoŭvalisia pytańni reabilitacyi biełarusaŭ, jakija atrymali ciažkija traŭmy padčas pratestaŭ, a taksama stypiendyjalnyja prahramy dla spartsmienaŭ, kab jany mahli praciahvać treniravacca ŭ Polščy.
Matevuš Maraviecki vykazaŭ salidarnaść ź biełaruskim narodam i pratestoŭcami. Śviatłana Cichanoŭskaja ŭ adkaz vykazała padziaku za padtrymku studenckich prahram, niezaležnych ŚMI, błohieraŭ i ŭsiaho naroda Biełarusi.
