Pieršaja kraina Jeŭropy adnaviła łakdaŭn z-za karanavirusa
Irish Times
Irłandyja stała pieršaj krainaj Jeŭrasajuza, jakaja viarnuła poŭnamaštabnyja karancinnyja abmiežavańni z-za druhoj chvali karanavirusa. Pra heta paviedamlaje RBK.
Jak piša Irish Times, rašeńnie ab viartańni na piaty ŭzrovień abmiežavańniaŭ było pryniata ŭradam.
Piaty ŭzrovień abmiežavańniaŭ praduhledžvaje viartańnie samaizalacyi, schody kolkaściu bolš za niekalkich čałaviek zabaronienyja. Addalacca ad doma možna nie bolš čym na piać kiłamietraŭ.
Praca ustanoŭ hramadskaha charčavańnia i baraŭ abmiežavanaja prodažam na vynas. Kramy, jakija nie handlujuć žyćciova važnymi tavarami, začyniajucca. Zapaŭnialnaść hramadskaha transpartu abmiažoŭvajecca 25%.
Pačynajučy z 14 kastryčnika ŭ Irłandyi štodnia rehistrujuć bolš za adnu tysiaču novych vypadkaŭ COVID-19 (učora 1031), što blizka da pikavaha značeńnia 10 krasavika (1515 vypadkaŭ za sutki).
Pa prahnozach, paśla šaścitydniovaha łakdaŭnu ŭ Irłandyi kolkaść novych vypadkaŭ da siaredziny śniežnia skarocicca da 50-100 u dzień, biez karancinnych mier — zastaniecca na ŭzroŭni 1000 vypadkaŭ u sutki.
Usiaho ŭ Irłandyi virus vyjavili ŭ amal 51 tysiačy čałaviek, ź ich 1852 čałavieki pamierli.
