Narviežski parłamientaryj vyłučyŭ Cichanoŭskuju i Kaleśnikavu na Nobieleŭskuju premiju miru — 2021
Pieradvybarčaja sustreča ź Cichanoŭskaj, Kaleśnikavaj i Capkała ŭ Barysavie. U kožnym horadzie na takija sustrečy prychodzili tysiačy ludziej. Fota Nadziei Bužan
Siońnia padčas akcyi ŭ padtrymku Biełarusi ŭ Osła, arhanizavanaj biełaruskaj supołkaj u Narviehii «Razam», deputat stortynhu ad chryścijanskich demakrataŭ Hiejr Toskiedał vystupiŭ z zajavaj, što vyłučyŭ Śviatłanu Cichanoŭskuju, Maryju Kalesnikavu i Vieraniku Capkała na atrymańnie Nobieleŭskaj premii miru 2021 hoda.
«Jany zasłuhoŭvajuć vysokaj acenki «za baraćbu za sumlennyja vybary i natchnieńnie dla mirnaj apazicyi suprać niezakonnaha režymu ŭ Biełarusi», havorycca ŭ abhruntavańni naminacyi.
— Hetyja try žančyny adyhrali asablivuju rolu ŭ baraćbie z tatalitarnym režymam u Biełarusi. Za heta jany zasłuhoŭvajuć Nobieleŭskuju premiju miru, — skazaŭ Hiejr Toskiedał, paviedamlaje supołka biełarusaŭ Narviehii.
Raniej pra svoj namier vyłučyć na Nobiela Śviatłanu i Siarhieja Cichanoŭskich zajaviŭ kiraŭnik Jeŭrapiejskaj narodnaj partyi Donald Tusk.
Prava naminavać na Nobieleŭskuju premiju miru majuć parłamientaryi, ministry i niekatoryja mižnarodnyja arhanizacyi. Vybiraje łaŭreata kamitet deputataŭ parłamienta, składzieny z pradstaŭnikoŭ piaci roznych partyj.
