MUS: Učora byli zatrymanyja 58 čałaviek
Pres-słužba MUS paviedamlaje, što ŭ subotu ŭ roznych nasielenych punktach krainy zafiksavana «13 ačahoŭ sacyjalna-palityčnaj aktyŭnaści hramadzian».
U piaci mierapryjemstvach u padtrymku miru, biaśpieki i spakoju pryniali ŭdzieł kala 1 700 čałaviek, a kolkaść udzielnikaŭ 8 pratestnych akcyj, jakija prajšli ŭ Minsku, Breście, Viciebsku i Śvietłahorsku skłała kala 400 čałaviek. U žanočym maršy ŭziali ŭdzieł 150 čałaviek, akcyja prajšła biez zdareńniaŭ.
Studencki marš byŭ spynieny supracoŭnikami milicyi, a 43 čałavieki zatrymanyja.
U abłasnych i rajonnych centrach «apazicyjna nastrojenyja hramadzianie ŭ asnoŭnym źbiralisia ŭ spalnych rajonach na dvarovych terytoryjach pad vyhladam praviadzieńnia «čajavańnia» i sumiesnych subotnikaŭ».
Usiaho učora byli zatrymanyja 58 hramadzian.
