Nastaŭnica historyi źviarnułasia da svajho byłoha vučnia — namieśnika kiraŭnika MUS Kazakieviča VIDEA
Źjaviŭsia videazvarot, zapisany Taćcianaj Moncik, jakaja kaža pra toje, što była nastaŭnicaj historyi ŭ namieśnika kiraŭnika MUS Hienadzia Kazakieviča i ekzamienataram na ŭstupnych ispytach u akademiju MUS.
Pa słovach žančyny, jana pracavała nastaŭnikam historyi ŭ minskich škołach №34 i 24.
Akramia taho, kaža žančyna, jana była ŭ składzie ekzamienacyjnaj kamisii pa historyi ŭ Akademii MUS.
«Ja da hetaha času nie hublaju viery ŭ vas i spadziajusia, što vy nie zdradzili asnovatvornym pryncypam aficerskaha honaru i dobleści. Ja zaklikaju vas nie davać i nie vykonvać złačynnyja zahady suprać svajho biełaruskaha naroda, kab dahadzić adnamu čałavieku», — kaža nastaŭnica.
Jana źviarnułasia da sudździ suda Leninskaha rajona Maryny Zapaśnik i zaklikała jaje ŭspomnić pra sapraŭdnyja zakon i prava.
Taksama žančyna źviarnułasia da namieśnika ministra MUS Hienadzia Kazakieviča. Pavodle jaje słoŭ, jon byŭ adnym z najlepšych jaje vučniaŭ, jany časta abmiarkoŭvali i spračalisia pra histaryčnyja padziei.
«Hiena! Ja vydatna viedaju, što ty suprać taho, što ciapier adbyvajecca… Nie daj zapeckać svoj mundzir, svoj honar i sumleńnie. Ty nie možaš zdradzić mnie, siamji, biełaruskamu narodu. Nie zabudź uroki historyi. Hetaja ŭłada ŭžo miortvaja», — miarkuje žančyna.
