Stała viadoma, kolki ŭ Biełarusi elektramabilaŭ
BiełTA
Kolkaść elektramabilaŭ u Biełarusi pieravysiła 1200 štuk. Pra heta paviedamiŭ ministr enierhietyki Viktar Karankievič na Forumie pa raźvićci elektramabilnaści, piša Tut.by.
Pavodle jaho słoŭ, za paŭhoda ich kolkaść padvoiłasia. U «Biełarusnafcie» anansujuć uviadzieńnie płaty za zaradku dla elektramabilaŭ z 1 studzienia 2021 hoda.
Dahetul dakładnaja kolkaść elektrakaraŭ u krainie asobna nie padličvałasia. U pačatku hoda ekśpierty kazali prykładna pra 400.
Adnak paśla taho jak biełarusam dazvolili ŭvozić dla asabistaha karystańnia elektramabili biez myty i PDV, ich kolkaść stała raści. Naprykład, jak my paviedamlali raniej, tolki za pieršyja troje sutak paśla ŭstupleńnia ŭ siłu ŭkaza ab rastamožcy elektramabilaŭ mytnikami było aformlena kala 250 elektramabilaŭ.
