Dziaŭčyna ŭziała ŭ siabroŭki pašpart — i nabyła ŭ rasterminoŭku dva mabilniki i dva televizary

U maładziečanskuju milicyju źviarnułasia dziaŭčyna. Jana raspaviała, što joj pryjšło paštovaje paviedamleńnie ab nieabchodnaści pahasić zapazyčanaść pa rasterminoŭcy za techniku, piša «Rehijanalnaja hazieta».

Apieratyŭniki ŭstanavili, što jana tydzień haściła ŭ Minsku ŭ siabroŭki. Za hety čas minčanka, skarystaŭšysia pašpartam siabroŭki i vonkavym ź joj padabienstvam, tajemna dvojčy aformiła na jaje rasterminoŭku ŭ adnoj z kramaŭ stalicy.

Tak jana nabyła dva televizary i dva mabilnyja telefony na 12 000 rubloŭ.

Techniku minčanka pierapradała praź internet, a hrošy patraciła na apłatu arendy žylla i ŭłasnyja patreby.

Dziaŭčynu zatrymali śledčyja Frunzienskaha rajona Minska. Jaje dziejańniam budzie dadziena pravavaja acenka.

0

0

0

0

0

0