U Mahilovie 60-hadovy mužčyna zhvałtavaŭ 4-hadovuju dačku svajoj sabutelnicy
U Mahilovie 60-hadovy mužčyna vypivaŭ sa svajoj 41-hadovaj znajomaj, a paśla ŭ dvary zhvałtavaŭ jaje 4-hadovuju dačku. Pra heta ŭ efiry «Radyjo-Minsk» raspaviała aficyjny pradstaŭnik Śledčaha kamiteta Julija Hančarova.
Incydent adbyŭsia ŭviečary 6 žniŭnia. Mužčyna vypivaŭ z haspadyniaj doma, pakul jaje muž byŭ na pracy. Kali žančyna pajšła spać, hość vyjšaŭ na dvor, dzie ŭ piasočnicy hulała 4-hadovaja dziaŭčynka, i ŭčyniŭ u dačynieńni da małoj dziejańni seksualnaha charaktaru. Toje, što adbyvajecca, ubačyŭ mužčyna, jaki pražyvaje ŭ susiednim domie, i vyklikaŭ supracoŭnikaŭ milicyi.
Vyśvietliłasia, što siamju paciarpiełaha dziciaci, dzie taksama hadavaŭsia jašče i 12-hadovy chłopčyk, raniej pryznali ŭ sacyjalna-niebiaśpiečnym stanoviščy.
Mužčyna znachodzicca pad vartaj.
