Azierbajdžan nanios udar pa rakietnym kompleksie na terytoryi Armienii
Uzbrojenyja siły Azierbajdžana nanieśli ŭdar pa terytoryi Armienii, źniščyŭšy hatovy da pusku rakietny kompleks. Pra heta havorycca ŭ paviedamleńni, apublikavanym na sajcie Minabarony Azierbajdžana.
«14 kastryčnika ŭ 08:36 było zafiksavanaje raźmiaščeńnie armianskimi ŭzbrojenymi siłami čarhovaha apieratyŭna-taktyčnaha rakietnaha kompleksu z balistyčnymi rakietami ŭ pamiežnych rajonach Armienii pablizu akupavanaha Kielbadžarskaha rajona Azierbajdžana. Apieratyŭna-taktyčnyja rakiety byli nacelenyja na Hiandžu, Minhiačavir i inšyja harady Azierbajdžana z metaj naniasieńnia strat siarod mirnaha nasielnictva i razbureńnia hramadzianskaj infrastruktury», — havorycca ŭ paviedamleńni viedamstva.
«U metach biaśpieki cyvilnaha nasielnictva jak lehitymnaja vajennaja meta rakietny kompleks, jaki znachodzicca na startavaj pazicyi, byŭ vyviedzieny sa stroju dakładnym papieradžalnym udaram», — adznačyli ŭ Minabarony.
U Minabarony Armienii zajavili, što ŭdar byŭ naniesieny «usiaho tolki na padstavie zdahadak ab tym, što hetaja technika była hatovaja udaryć pa mirnym nasielenych punktach Azierbajdžana».
