Zatrymali čempijonku Jeŭropy pa muaj-taj Alaksandru Sitnikavu
Raniej 15 sutak atrymaŭ trenier Juryj Bułat.
13 kastryčnika ŭ Minsku zatrymali 24-hadovuju Alaksandru Sitnikavu — šmatrazovuju čempijonku Biełarusi pa tajskim boksie i K1, trochrazovuju bronzavuju pryziorku čempijanataŭ Jeŭropy pa muaj-taj, piša Jeŭraradyjo.
Jak paviedamlaje Biełaruski fond spartovaj salidarnaści, dziaŭčynu dastavili ŭ Centralny RUUS. 14 kastryčnika pavinien adbycca sud nad joj.
U svaim akaŭncie ŭ⠀Instagram spartsmienka pisała: «Ja nievierahodna hanarusia našymi ludźmi! Jany mudryja, mocnyja i nievierahodna dobryja, stolki ŭzajemadapamohi i ŭsio tak kulturna. I ŭsio heta niahledziačy na strašnuju žorstkaść z boku ŭrada! Žyvie Biełaruś!»
13 kastryčnika na 15 sutak byŭ asudžany šmatrazovy čempijon śvietu pa tajskim boksie, viadomy trenier Juryj Bułat — za ŭdzieł u niesankcyjanavanaj akcyi.
Jon adbyvaje aryšt na Akreścina, advakata da jaho nie puskajuć, spasyłajučysia na «składanuju epidemijałahičnuju situacyju».
