Domračava vykazałasia pra situacyju ŭ krainie: Biessensoŭna zvalniać, aryštoŭvać i dubasić ludziej na vulicach
Alimpijskaja čempijonka Darja Domračava padzialiłasia mierkavańniem ab tym, što adbyvajecca ŭ krainie.
«Niešta robiačy, pradprymajučy niejkija kroki, važna raźličvać na vynik. Ja absalutna dakładna razumieju, što moj publičny hnieŭ nie vyrašyć hramadskich prablem. Mahčyma, heta dapamoža samaśćvierdzicca ŭ vačach inšych, atrymać čyjości adabreńnie, mahčyma, na dušy stanie lahčej, ale da mety dakładna nie pryviadzie.
My ŭsie bačym, što ŭ krainie prablemy, a kab spryjać ich vyrašeńniu, biescensoŭna skałynać pavietra ahresiŭnymi słovami z adnaho boku i absalutna dakładna, biessensoŭna z druhoha boku, zvalniać, aryštoŭvać i dubasić ludziej na vulicach… nie važna, vypadkova apynulisia ŭ «haračych» miescach abo naŭmysna, tvaich, čyichści blizkich ci nie — usio adnolkavyja.
Pakul, vidavočna, što ŭsie padobnyja dziejańni tolki jašče bolš raźjušvajuć supraćlehłaści, paharšajuć situacyju i raspalvajuć abstanoŭku.
Na dadzieny momant ja pakul nie baču taho svajho kroku, ździejśniŭšy jaki, zmahu pa-sapraŭdnamu dapamahčy vyrašeńniu prablem u krainie.
A voś z boku dziaržaŭnych orhanaŭ, kab urehulavać situacyju i vyrašyć prablemy ludziej, pavinny znajścisia idei cikaviejšyja, čym «zavalili/aryštavali/zvolnili». Nie ŭ pieršabytnym ža vieku žyviom… ludzi chočuć być pačutymi.
Treba ŭsim supakoicca i ŭsio abmierkavać, mahčyma, heta nablizić da zapavietnaj mety — spraviadlivaj, mirnaj, spakojnaj, pryhožaj krainie … va ŭsich ža hetaja meta takaja?» — napisała Domračava ŭ svaim Facebook.
Nahadajem, što ŭ niadzielu byŭ zatrymany i źbity brat Darji Mikita.
Źvierskaje źbićcio brata Hieroja Biełarusi Darji Domračavaj architektara Mikity Domračava trapiła na VIDEA
Mikita Domračaŭ: Ja nie viedaju ludziej, jakija padtrymlivajuć toje, što adbyvajecca
«Nienavidžu vas»: bijatłanistka Nadzieja Skardzina emacyjna adreahavała na žorstkaje zatrymańnie brata Domračavaj
