Piaskoŭ prakamientavaŭ vizit Łukašenki ŭ SIZA KDB
U Kramli vitajuć kantakty Alaksandra Łukašenki z apazicyjaj, zajaviŭ pres-sakratar prezidenta Rasii Dźmitryj Piaskoŭ, piša «Interfaks».
«My vitajem lubyja kantakty, luby taki inkluziŭny praces u biełaruskim hramadstvie, tym bolš inicyjavany kiraŭnikom dziaržavy, prezidentam Biełarusi», — skazaŭ jon žurnalistam, adkazvajučy na adpaviednaje pytańnie.
U subotu stała viadoma, što Łukašenka sustreŭsia ŭ SIZA KDB sa źniavolenymi tam dziejačami. Na toj sustrečy byli Viktar i Eduard Babaryki, juryst Lilija Ułasava, advakaty Illa Salej i Maksim Znak, palittechnołah Vital Šklaraŭ, hramadski dziejač Juryj Vaskrasienski, dyrektar PandaDoc Dźmitryj Rabcevič, biznesmien Alaksandr Vasilevič.
Učora stała viadoma, što Vaskrasienskamu i Rabceviču źmieniena forma strymańnia i jany vyjšli na volu.
