Na Kipry znajšli miortvaj byłuju žonku biełaruskaha IT-biznesmiena
U niadzielu, 11 kastryčnika, u žyłym domie ŭ Limasole (Kipr) byŭ znojdzieny trup maładoj žančyny. Pavodle źviestak, zabitaja žančyna, hramadzianka Biełarusi 36 hadoŭ, maje traŭmy hałavy — imavierna, havorka idzie ab hvałtoŭnaj śmierci, paviedamlajuć miascovyja ŚMI. Zabitaja Iryna Hurskaja — byłaja žonka biełaruskaha IT-pradprymalnika Juryja Hurskaha, jaki taksama pražyvaje na Kipry.
Žančynu vyjaviŭ miortvaj jaje 15-hadovy syn. Pa słovach chłopčyka, jon pačuŭ šum i, kali zajšoŭ u jaje spalniu na pieršym paviersie ich doma, ubačyŭ svaju maci hołaj u łužynie kryvi. Akramia syna-padletka, u žančyny jość jašče dvoje dziaciej.
Palicyja viadzie rasśledavańnie. Palicyja vypuściła ordar na aryšt siabra zabitaj žančyny, hramadzianina Litvy 29 hadoŭ. Vierahodna, jon maje dačynieńnie da złačynstva. Akramia ran, naniesienych chałodnaj zbrojaj, žančynu sprabavali dušyć.
