Tramp niecenzurna vyłajaŭsia ŭ žyvym efiry

Prezident ZŠA Donald Tramp niecenzurna vyłajaŭsia padčas pramoha efiru radyjoprahramy The Rush Limbaugh Show. Na heta źviarnuła ŭvahu vydańnie Politico.

Razvažajučy ab padtrymcy Iranam terarystyčnych hrupovak, Tramp pryhraziŭ Tehieranu: «Kali vy budziecie ***** [duryć] nas, kali vy zrobicie nam niešta drennaje, to my zrobim z vami toje, čaho nikoli raniej nie rabili».

Pavodle vydańnia, Fiederalnaja kamisija pa suviazi ZŠA zabaraniaje nienarmatyŭnuju leksiku ŭ dzionny efirny čas, kali «isnuje apraŭdanaja ryzyka taho, što siarod aŭdytoryi mohuć być dzieci». U žyvym efiry łajanka Trampa prajšła biez cenzury, adnak ź nievialikaj zatrymkaj huk usio ž adredahavali. Słovy amierykanskaha lidara zastalisia i ŭ aficyjnaj stenahramie razmovy.

0

0

0

0

0

0