Duraŭ abvinavaciŭ Apple u niežadańni brać adkaznaść za svaje praviły ŭ situacyi ź biełaruskimi kanałami
Zasnavalnik Telegram Pavieł Duraŭ abvinavaciŭ Apple u sprobie z dapamohaj chitrych farmulovak paźbiehnuć adkaznaści za vykanańnie svaich ułasnych praviłaŭ. Pra heta Duraŭ napisaŭ u svaim Telegram-kanale.
Pa słovach Durava, «chitraść» Apple zaklučajecca ŭ śćviardžeńni kampanii, što jana nie patrabuje adklučeńnia troch biełaruskich kanałaŭ, u jakich raskryvajucca asabistyja źviestki siłavikoŭ, što ŭdzielničajuć u padaŭleńni pratestaŭ. Apple patrabuje nie publikavać pasty, jakija raskryvajuć asabistuju infarmacyju. Adnak, zaŭvažaje Duraŭ, pry hetym kampanija zamoŭčvaje, što hetyja kanały całkam składajucca z padobnych pastoŭ.
«Hetaja chitraja farmuloŭka ihnaruje toj fakt, što takija kanały <…> całkam składajucca z asabistaj infarmacyi ich pryhniatalnikaŭ i tych, chto dapamahaŭ falsifikavać vybary — tamu što mienavita tamu hetyja kanały isnujuć», — napisaŭ Duraŭ.
Utojvajučy svaje patrabavańni raspłyvistymi słovami, Apple sprabuje paźbiehnuć adkaznaści za vykanańnie svaich ułasnych praviłaŭ, śćviardžaje zasnavalnik Telegram.
