10 sutak aryštu salihorskamu pravaabaroncu Leanidu Marchotku. Za što — nieviadoma
Leanid Marchotka, pradstaŭnik BCHK u Salihorsku. Fota: «Radyjo Svaboda»
Administracyjnuju spravu pravabaroncy BCHK Leanida Marchotki razhledzieŭ 9 kastryčnika sud Salihorska. Sudovaje pasiadžeńnie adbyvałasia pa skajpie, tamu na sud nie zmahli patrapić svajaki, paviedamlajuć pravaabaroncy.
Viadoma tolki, što Marchotku prysudzili administracyjny aryšt na 10 sutak.
Nahadajem, pravaabaronca Biełaruskaha Chielsinkskaha kamiteta Leanid Marchotka byŭ zatrymany ŭ Salihorsku 6 kastryčnika.
Jak paviedamili «Viaśnie» svajaki zatrymanaha, Marchotka ŭ aŭtorak uviečary jechaŭ na rovary. Jaho spynili i razam z rovaram zabrali ŭ aŭtamabil.
Tolki na druhi dzień stała viadoma, što Leanid utrymlivajecca ŭ izalatary da suda.
Svajakam dziažurny supracoŭnik milicyi paviedamiŭ tolki toje, što na pravaabaroncu zaviali administracyjnuju spravu i jaho da suda mohuć utrymlivać pad vartaj 72 hadziny.
Im udałosia pieradać Leanidu ciopłuju vopratku i nieabchodnyja leki.
