Čym budzie zajmacca Biełaruski fond kulturnaj salidarnaści
Tvorcaŭ, jakija aktyŭna vykazvajuć svaju hramadzianskuju pazycyju, zvalniajuć z pracy, aryštoŭvajuć, zryvajuć ich vystupy, akazvajuć na ich psychalahičny cisk. Kab padtrymać vydatnych pradstaŭnikoŭ supolnaści, byŭ stvorany Biełaruski fond kulturnaj salidarnaści, piša «Radyjo Svaboda».
Amal 1300 dziejačaŭ kultury i mastactva padpisali adkryty list da ŭładaŭ z patrabavańniem pryznać prezydenckija vybary niesapraŭdnymi i spynić hvałt siłavych struktur.
Hałoŭnaja meta fondu — dapamahčy jurydyčna, materyjalna i psychalahična tym, kaho zvolnili/zvolniać, chto syšoŭ na znak pratestu ci apynuŭsia ŭ składanaj žyćciovaj sytuacyi.
Druhi kirunak dziejnaści — spryjańnie volnamu kreatyvu praz padtrymku idejaŭ. Pieravaha budzie addavacca chutkim u planie realizacyi prajektam: vuličnyja hrafici, tvorčy performans, videa-art dy inšyja.
Fond uznačalili kulturny menedžar i pradusar Ciarhiej Budkin, a taksama śpiavačka dy aktyvistka Maryna Šukiurava (Rusia).
«Dla mianie mahčymaść papracavać u fondzie — sproba «skleić i sšyć» dźvie Biełarusi, u jakich my žyli dahetul. Ja vieru, što dziejačy kultury zdolnyja abjadnacca ciapier na hałoŭnaj padstavie. Nam patrebny źmieny, i na heta treba nakiravać usie siły. Z astatnimi pytańniami raźbiaromsia ŭ pracoŭnym režymie paśla pieramohi», — adznačyŭ Siarhiej Budkin.
Kiraŭnictva raźličvaje, što dziejnaść fondu pryciahnie ŭvahu biełaruskaha hramadztva, mižnarodnaj supolnaści i medyja da volnaj kultury, paspryjaje adbudovie efektyŭnych kreatyŭnych aljansaŭ dy supolnych prajektaŭ.