Łukašenka: Adbyvajecca pastajannaja źmiena taktyki, źjaviŭsia bolšy radykalizm
Fota Nadziei Bužan
Pra heta jon zajaviŭ siońnia na naradzie pa aktualnych pytańniach, piša BiełTA
«Sarvaŭšy scenar kalarovaj revalucyi, u cełym my trymajem situacyju pad kantrolem, ale nijakaha samazaspakajeńnia być nie pavinna. Nie treba mieć niejkich iluzij: ad novych sprob padarvać abstanoŭku ŭ krainie nichto nie admoviŭsia — ci zaniali čakalnuju pazicyju, ci heta novy etap hetaj kalarovaj revalucyi», — skazaŭ Alaksandr Łukašenka.
U toj ža čas jon zaŭvažyŭ, što dziaržaŭnyja struktury ŭžo nastolki pryvykli da vuličnych akcyj, što ŭžo pierastali da ich surjozna stavicca.
«Ale ž heta taksama technałohii, nakiravanyja nie tolki na ŭsypleńnie našaj pilnaści, ale i na farmavańnie novych, radykalnych form arhanizacyi pratestaŭ. Tak, jany, jak mnohija kažuć, zdźmuchnulisia. Heta praŭda. Ale źjaviŭsia bolšy radykalizm. Moža być, tamu što ŭžo chavacca niama za kaho — my ich bačym. Hetyja radykały (heta tyčycca pierš za ŭsio Minska) sprabujuć hetych raziavak, moładź, dziaciej uciahnuć u niejkuju pravakacyju, — zajaviŭ jon. — Adbyvajecca pastajannaja źmiena taktyki. Moładź naŭmysna nakiroŭvajecca (abo kidajuć ich) na pravakacyi: idzicie da damoŭ AMAPa, palicie mašyny, vyzvalajcie «palitviaźniaŭ» na Akreścina, błakujcie darohi, kidajciesia pad słužbovy transpart DAI i inšaje. Zrazumieła, čaho jany damahajucca: kamuści vidavočna nie chapaje kryvi i sakralnych achviar».
