Stvorany Biełaruski fond kulturnaj salidarnaści
Pačaŭ svaju pracu Biełaruski fond kulturnaj salidarnaści. Jon paŭstaŭ jak adkaz na palityčny kryzis u krainie.
Tvorcaŭ, jakija aktyŭna vykazvajuć svaju hramadzianskuju pazicyju, zvalniajuć z pracy, aryštoŭvajuć, zryvajuć vystupy i akazvajuć psichałahičny cisk. Hety fakt aburaje kulturnuju supolnaść. Bolš za 1200 dziejačaŭ kultury i mastactva padpisali adkryty list da ŭładaŭ z patrabavańniem pryznać prezidenckija vybary niesapraŭdnymi i spynić hvałt siłavych struktur. Kab padtrymać pradstaŭnikoŭ biełaruskaj kulturnaj supolnaści, byŭ stvorany Biełaruski fond kulturnaj salidarnaści.
Hałoŭnaja meta fondu — jurydyčna, materyjalna i psichałahična dapamahčy pradstaŭnikam kulturnaj supolnaści Biełarusi. Tym, chto byli/buduć zvolnienyja albo syšli na znak pratestu ci akazalisia ŭ składanaj žyćciovaj situacyi. Druhi kirunak dziejnaści fondu — spryjańnie volnamu kreatyvu praz padtrymku idej. Pieravaha budzie addavacca chutkim u płanie realizacyi prajektam (vuličnyja hrafici, tvorčy pierformans, videa-art dy inšaje).
Fond uznačalili Ciarhiej Budkin, kulturny mieniedžar i pradziusar, i Maryna Šukiurava (Rusia), śpiavačka dy aktyvistka.
Biełaruski fond kulturnaj salidarnaści źjaŭlajecca adhalinavańniem fonda BY_SOL. Jaho dziejnaść taksama padtrymlivajuć pradstaŭniki biełaruskaj dyjaspary i biznes-kołaŭ.
Miedyjnaj placoŭkaj Biełaruskaha fondu kulturnaj salidarnaści budzie adnoŭleny TuzinFM — infarmacyjny partał pra kulturny supraciŭ i aktualnuju kulturu.
Padrabiaznaści — na staroncy fondu i ŭ supołcy ŭ Facebook.
