Łukašenka pabačyŭ niamała niedachopaŭ u pracy ŚMI
BiełTA
Niamała niedachopaŭ Alaksandr Łukašenka bačyć i ŭ pracy srodkaŭ masavaj infarmacyi. Pra heta jon zajaviŭ siońnia na naradzie, paviedamlaje BiełTA.
Łukašenka zapatrabavaŭ zaviaršyć u najbližejšy čas farmavańnie kalektyvaŭ u asnoŭnych ŚMI.
«Kantrol u hetym płanie Administracyjaj prezidenta. Pavinna zastacca mahutnaje jadro, hatovaje adstojvać toj samy infarmacyjny suvierenitet dakładna, filihranna, prycelna, a hałoŭnaje — nastupalna, — padkreśliŭ jon.
— Treba było, kab prajšło dva miesiacy, kab našy asnoŭnyja televizijnyja kanały i inšyja ŚMI pracavali tak, jak ciapier. Heta treba rabić pastajanna.
Žurnalistyka pavinna narešcie pierastać być «pamiarkoŭnaj», jak heta było ŭ nas pryniata da ciapierašnich časoŭ. I ja taksama ŭ hetym płanie nie zdymaju ź siabie viny».
Taksama, pierakanany Łukašenka, dziaržava pavinna pravodzić bolš nastojlivuju infarmacyjnuju palityku ŭ internecie, vieści jaje nastupalna, ale biez fejkaŭ.
