Śviatłana Cichanoŭskaja sustrełasia z prezidentam Słavakii
Telehram-kanał Śviatłany Cichanoŭskaj
Śviatłana Cichanoŭskaja sustrełasia siońnia z prezidentam Słavakii Zuzanaj Čaputavaj. Sustreča doŭžyłasia 30 chvilin i prajšła ŭ ciopłaj atmaśfiery. Śviatłanu sustreli jak dziaržaŭnaha lidara, paviedamlaje jaje telehram-kanał.
Cichanoŭskaja raspaviała pra situacyju z palitviaźniami, a taksama pra nieabchodnaść padtrymlivać studenckija i humanitarnyja prajekty i akazvać dapamohu paranienym padčas mirnych pratestaŭ.
Zuzana Čaputava vykazała padtrymku biełaruskamu narodu i pacikaviłasia, jakim čynam mohuć vyhladać pieramovy ab novych vybarach u Biełarusi, a taksama zapytałasia, jakija krainy mohuć udzielničać u ich miedyjacyi.
Śviatłana Cichanoŭskaja padaryła prezidentu Słavakii knihu «Kraina Biełaruś» Uładzimira Arłova i Źmitra Hierasimoviča ŭ pierakładzie na anhlijskuju movu.
Raniej siońnia Cichanoŭskaja sustrełasia ź ministram zamiežnych spraŭ Słavakii Ivanam Korčakam, pradstaŭnikami niedziaržaŭnych arhanizacyj i dyjasparaj.
