Kryvašejeŭ raskazaŭ, čamu u citrach na BT pisali pra «byłuju savieckuju respubliku Litvu»
Skrynšot ATN
Na minułym tydni ŭ siužetach navin na BT kadry z susiednich krain supravadžalisia nastupnymi tytrami: byłaja USSR, byłaja Savieckaja Respublika Litva, byłaja Polskaja Narodnaja Respublika.
Staršynia Biełaruskaha sajuza žurnalistaŭ Andrej Kryvašejeŭ patłumačyŭ, čamu heta było zroblena.
«Aryhinalnymi hieahrafičnymi citrami, jakija raniej źjavilisia na hałoŭnych telekanałach krainy, na moj pohlad, pierš za ŭsio padkreślivałasia naša ahulnaje i słaŭnaje minułaje z Polščaj, Litvoj i Ukrainaj. Naša ahulnaja spadčyna, čas, kali ŭ hetych krainach stvaralisia klučavyja abjekty pramysłovaści, infrastruktura partoŭ, daroh, žyłych kvartałaŭ. Čas, kali ŭ nas była ahulnaja sacyjalnaja i kulturnaja prastora», — kaža Kryvašejeŭ.
«Tak, nie sakret, što padobnyja hieacitry vyklikali vielmi dziŭnuju, a časam navat chvaravituju reakcyju ŭ našych susiedziaŭ, — pahadžajecca kiraŭnik BSŽ. — Ale paviercie, i biełarusam apošnim časam dziŭna čuć z boku blizkich nam respublik vielmi niedružalubnuju rytoryku. Naprykład, zajavy ab pryznańni abo niepryznańni, asabliva ŭ tych pytańniach, jakija nie datyčacca ci nie pavinny dakranacca našych partnioraŭ».
«Miarkuju, što takimi nastalhičnymi citrami hałoŭnyja telekanały Biełarusi vyrašyli dahrukacca da našych kaleh na zachadzie i poŭdni. I, miarkujučy pa ich vostraj reakcyi, nas sapraŭdy pačuli. Spadziajusia, što i zrabili pravilnyja vysnovy», — reziumuje Kryvašejeŭ.
