«Hazpram» paviedamiŭ pra ryzyki tranzitu hazu praź Biełaruś z-za pratestaŭ
Palityčnyja chvalavańni ŭ Biełarusi pavialičvajuć imavieranść parušeńniaŭ tranzitu hazu pa biełaruskim učastku hazapravoda Jamał — Jeŭropa. Pra heta havorycca ŭ miemarandumie da raźmiaščeńnia novaha vypusku jeŭraablihacyj «Hazprama», piša rasijskaje vydańnie RBK.
Kampanija taksama papiaredžvaje pra ryzyki biahučaj raboty svajoj «dački» — «Hazpram transhaz Biełaruś». «Pratesty, zabastoŭki i inšyja prajavy sacyjalnych chvalavańniaŭ, jakija časta supravadžajucca palityčnaj niestabilnaściu, mohuć pieraškadžać narmalnamu viadzieńnia biznesu i mohuć pryvieści da prypynieńnia vytvorčych pracesaŭ, zbojaŭ u łancužku pastavak, zatrymak u kantraktnych raźlikach, padvyšanaj niestabilnaści na finansavych rynkach, abiasceńvańnia aktyvaŭ, kryzisu likvidnaści ŭ bankaŭskim siektary i inšych niespryjalnych ekanamičnych nastupstvaŭ», — havorycca ŭ dakumiencie.
Da tranzitnych ryzykaŭ pastavak u Jeŭropu «Hazpram» adnosić i ryzyku ŭskładnieńnia ŭ adnosinach Rasii i Biełarusi.
