Piacihadovy chłopčyk źbieh ad babuli, jakaja nie kupiła jamu marožanaje. Jaho znajšli za 15 kiłamietraŭ
5-hadovaha chłopčyka, jaki prapaŭ na Sielmašy, znajšli ŭ Navabielicy dźvie dziaŭčyny, paviedamlaje milicyja.
Uviečary 3 kastryčnika 2020 hoda ŭ homielskuju milicyju patelefanavaŭ uschvalavany mužčyna. Jon paviedamiŭ, što źnik jaho 5-hadovy syn Dzianis. Unuk źbieh ad babuli, kali jana viała jaho dadomu. Pryčyna była ŭ tym, što babula nie zachacieła kupić jamu marožanaha.
Infarmacyju pra dzicia pieradali ŭsim naradam milicyi. Da pošuku padklučylisia vałanciory. Chłopčyka znajšli ŭ inšym rajonie abłasnoha centra. Za 3 hadziny paśla źniknieńnia jon pieššu prajšoŭ šlach u 15 kiłamietraŭ.
Dźvie hamialčanki zaŭvažyli chłopčyka, što płakaŭ, kala SŠ №2. Jon raspavioŭ, što zhubiŭsia i nazvaŭ svaje imia, proźvišča i imia mamy. Dziaŭčaty znajšli jaje ŭ adnoj z sacyjalnych sietak i źviazalisia ź joj. Nieŭzabavie Dzianisa pryvieźli dadomu.
