U Śvietłahorsku niećviarozy pacyjent napaŭ z nažom na doktara
Zdareńnie adbyłosia viečaram 4 kastryčnika, paviedamlaje SK u svaim telehram-kanale.
55-hadovy žychar Śvietłahorska znachodziŭsia na lačeńni ŭ adździaleńni traŭmatałohii rajonnaj balnicy, vypiŭ i staŭ nieadekvatna siabie pavodzić. Zabraŭšy ŭ susieda pa pałacie kuchonny nož, nakiravaŭsia ŭ reanimacyjnaje adździaleńnie.
Na kalidory mužčyna sustreŭ doktara aniestezijołaha-reanimatołaha i ŭdaryŭ nažom u hrudzi (niepranikalnaje ranieńnie). Na dapamohu kalehu apieratyŭna pryjšoŭ inšy doktar, jaki niejtralizavaŭ ahresara.
Paciarpieły špitalizavany, a napadnik zatrymany.
Raspačataja kryminalnaja sprava (zamach na zabojstva).
Padazravany nidzie nie pracuje, raniej nieadnarazova pryciahvaŭsia da administracyjnaj adkaznaści za raśpićcio ałkaholnych napojaŭ u hramadskim miescy, paviedamlaje SK.
