«Na jaho pakazaŭ milicejski načalnik»: padrabiaznaści zatrymańnia ŭ Breście krajaznaŭca Ihara Baranoŭskaha
Fota: Aleh Pališčuk.
Jaho zatrymali ŭ niadzielu 4 kastryčnika, kali ŭ Breście ludzi sprabavali sabracca na marš u padtrymku palitviaźniaŭ, paviedamlaje Bresckaja hazieta.
U niadzielu 4 kastryčnika ŭ Breście zatrymali krajaznaŭca Ihara Baranoŭskaha. Uviečary pravaabaroncam udałosia vyśvietlić, što jaho pakidajuć u IČU Leninskaha RAUS na 72 hadziny da suda — heta značyć da sierady. Inšych padrabiaznaściaŭ jaho zatrymańnia nie było.
A na nastupny dzień z redakcyjaj «BH» źviazalisia vidavočcy i raspaviali nastupnaje: «Jaho zabrali metanakiravana. Zatrymali kala 16 hadziny na Savieckaj. Zabrali kahości jašče, ale jaho metanakiravana: tyja, chto tam byŭ, skazali, što milicejski načalnik mienavita na jaho pakazaŭ, jašče nazvaŭ jaho niepryhoža: «Voś hetaha…» Jon nie supraciŭlaŭsia, pajšoŭ».
Ihar Baranoŭski viadomy ŭ Breście historyk, krajaznaŭca. Čverć stahodździa jon źjaŭlajecca redaktaram haziety «Carkva», jakuju vypuskaje hreka-katalickaja carkva.
