Žyrynoŭski zaklikaŭ dałučyć Biełaruś, Armieniju i Azierbajdžan da Rasii
Kiraŭnik partyi ŁDPR Uładzimir Žyrynoŭski zaklikaŭ dałučyć Armieniju, Azierbajdžan, Biełaruś i Ukrainu da Rasii. Pra heta jon zajaviŭ u efiry Radyjo «Komsomolskaja pravda», piša lenta.ru
«Patrabavać, nastojvać, nabrać tudy inšych pasłoŭ i skazać, što ŭ vypadku abvastreńnia Vialikaj vajny my Vam dapamahčy nie zmožam. I vy zahiniecie», — rastłumačyŭ palityk svaju pazicyju i dadaŭ, što ŭ advarotnym vypadku hetyja krainy «raździaruć na častki».
«Palaki i litoŭcy zabiaruć usiu Biełaruś, niemcy, rumyny i inšyja susiedzi raździarbaniać Ukrainu, Turcyja i Iran raździarbaniać Paŭdniovy Kaŭkaz i hetak dalej. Ad vas piory adny zastanucca.
Nieadkładna ŭ Rasiju! Nieadkładna dadomu!» - zaklikaŭ Žyrynoŭski.
Akramia taho, jon prapanavaŭ adpravić rasijskuju armiju na terytoryi hetych dziaržaŭ, a taksama prymusić tureckija vojski adyści na tysiaču kiłamietraŭ ad miežaŭ Armienii i Azierbajdžana.
«Toje ž samaje na zachadzie — Prybałtyka i inšyja režymy. Na tysiaču kiłamietraŭ!
Nie možacie, tady my dapamožam inšym, jakija vašy stalicy pieratvorać u kuču popiełu i hetak dalej» — skazaŭ na zakančeńnie jon.