Michaił Huceryjeŭ pabudavaŭ u Šaršunach chram u vizantyjskim styli i atrymaŭ za heta orden Kiryły Turaŭskaha
U ahraharadku Šaršuny pad Radaškovičami ŭračysta adkryli novy pravasłaŭny chram. Miecenatam vystupiŭ rasijski miljarder Michaił Huceryjeŭ. U cyrymonii pryniali ŭdzieł Alaksandr Łukašenka i mitrapalit Vieńjamin.
Chram maje architekturu, ułaścivuju staražytna-vizantyjskamu stylu: davoli šyroki kupał (12 mietraŭ u dyjamietry) tut spałučajecca z vysokim (kala 30 mietraŭ) budynkam
«Tut niedaloka, praz paŭtara kiłamietra, byŭ chram, jaki źnieśli balšaviki ŭ 1919 hodzie, — raskazaŭ Michaił Huceryjeŭ, paviedamlaje «Źviazda». — Jość i znakavaje miesca, praz 50—100 mietraŭ — mahiła tankistaŭ. Čatyry maładyja čałavieki zahinuli ŭ 1944 hodzie padčas vyzvaleńnia Biełarusi. Jany zhareli ŭ tanku. I mnie padałosia pravilnym, kali b chram źjaviŭsia nasuprać ich mahiły. Niepadalok adsiul znachodzicca i škoła. Kožnuju ranicu dzieci buduć iści mima carkvy. Heta i byli asnoŭnyja paramietry vybara miesca. Mahčyma, bolš metazhodna było b pabudavać jaje na ŭzhorku, heta było b pryhažej, ale mnie padajecca, što tak, jak zroblena, — bolš pravilna».
Mitrapalit Vienijamin uručyŭ Huceryjevu orden Kiryły Turaŭskaha I stupieni.
