Pradaŭščyca ź Jelska pajšła ŭ adpačynak i prychapiła 64 plaški harełki

U miascovy RAUS źviarnuŭsia dyrektar Lelčyckaha filijała Homielskaha abłspažyŭsajuza. Jon raspavioŭ, što niechta z kramy ŭ Jelsku skraŭ 24 plaški harełki pa 0,35 litra i 40 plašak pa 0,2 litra. Škoda skłała 282 rubli, piša «Źviazda».

Milicyja chutka znajšła vykradalnika. Pradavačka sychodziła ŭ adpačynak i zabirała svaje rečy z pracoŭnaha miesca. I prychapiła z saboj dźvie skryni sa śpirtnym.

Kali harełka na pryłaŭku skončyłasia, źmienščyca paprasiła jašče adnaho rabotnika prynieści harełku sa składa, a tam było pusta.

Pa miescy žycharstva 46-hadovaj žančyny znajšli pałovu skradzienaha. Astatniaje žančyna paśpieła pradać miascovym marhinałam.

0

0

0

0

0

0